Инватаксиt UuKkEeuh apauJj 234attdén BeDRie i m1 ta_6uRr hd
“Инватакси” – Москуба куорат иһигэр үлэлиир, доруобуйаларыгар хааччахтаах дьону таһыынан дьарыктанар түмэт урбаанын тэрилтэтэ. Тэрийээччитэ уонна дириэктэрэ – Роман Колпаков.
Роман Колпаков бэйэтин кэмигэр эмиэ сүнньүн тоноҕоһун эчэтэн инбэлиит кэлээскэтигэр олорбута. Ол олорон дьаныардаах санаатынан атыттарга көмөлөһөр инниттэн таксии сулууспатын эйгэтигэр түмэт урбаанына дьарыктанарга сананан, 2010 сыллаахха былаанын олоххо киллэрэр.
“Инватакси” тэрилтэ массыыналара аныгы көтөҕөр тиэхиньикэнэн хааччыллыбыт буоланнар, инбэлиит киһи анал кэлээскэтигэр олорор дьону таһыынан дьарыктаналлар, оннук өҥөнү оҥороллор.
Ол курдук “Инватакси” сулууспата маннык өҥөнү оҥорор:
- Ыарыһахтары Москуба иһинээҕи эмтиир уонна чөлүгэр түһэрэр кииннэргэ тиэрдэн биэрии;
- Аэропортарга уонна тимир суол баксаалларыгар көрсүү (атаарыы);
- Москуба уонна Подмосковье сиригэр кэлэктиибинэн эбэтэр биирдиилээн экскурсиялатыы, кэритэн көрдөрүү;
- 1-кы курууппалаах, үп-харчы өттүнэн кыамма дьон араҥатыгар киирэр дьону чэпчэтиилээх эбэтэр босхо таһыы.
Билиҥҥи туругунан тэрилтэ дьонтон ылар бырайыаһынан суоппардар хамнастарын төлүүр, көлө өрөмүөнүн уонна көрүүтүн истиитин ороскуотун сабынар. Онон айан төлөбүрүн сыаната түһэрин туһугар “Инватакси” түмэт урбаанын тэрилтэтэ көмөҕө наадыйар.
Тэрилтэ тутуһар сүрүн тосхоллоро:
- Айан төлөбүрүн сыанатын уопсайынан түһэрии;
- Аһымал айаннары тэрийии.
Тэрилтэ кыһалҕалаах дьону доруобуйаларынан хааччахтаах дьон олороллоругар аналлаах кэлээскэнэн хааччыйар. Ол гынан баран, кэлэр-барар наадалаах дьон бу сулууспаҕа биир күн иннинэ эрийэллэрин ирдиир.
Массыыналар барыта толору хааччыллыылаахтар. Ол курдук массыына сэбилэнэр:
- Анал көтөҕөр-түһэрэр подьемнигынан (кэлээскэни түһэрэр-таһаарар);
- Аптамаат көмөтүнэн ойоҕос диэки арыллар ааннаах;
- Хас даҕаны арыалдьыт киирэн тэҥинэн олороругар табыгастаах киэҥ солуоннаах;
- Айан кэмигэр инбэлиит кэлээскэтэ хамсаабатын хааччыйар көлөһөтүттэн туттарар
- тэриллэрдээх;
- Сөрүүкэтэр кондиционердаах уонна сылытар оһохтоох.
“Инватакси” суоппардара хас биирдии килийиэҥҥэ кини кыһалҕатын учуоттаан тус-туһунан сыһыаннаһаллар.