ایمان فلاحs
| ایمان فلاح | |
|---|---|
 | |
| اطلاعات هنرمند | |
| واقعی نوم | ایمان فلاح |
| بزائن | ۱۳۶۵ محمودآباد |
| اصالت/ملیت |  ایرانی
|
| سبکها | پاپ، فلکوریک |
| فعالیت(ئون) | نوازنده ترانهسرا خووننده |
ایمان فلاح (بزائه ۲۳ فروردین ۱۳۶۶، محمودآباد) اتا مازندرونی زوون خونشکر هسته که سالهای ۹۲ - ۹۱ آوازه جه برسییه. وه ۱۸ سالگی جه تا اسا خونندگی کانده، گیتار زنده و ویشتر از ۲۰ تا آهنگ بخوندسته.[۱][۲]
اگه هارشیم، ویمبی که وه مازندرون ِسنتی موسیقی ره اتا نو قالب دله که جوونپسند هم هسته دینگوئه پس بتومبی وه ره اتا نو سبک ِپایهگذار، مازندرون موسیقی دله، بدونیم. ایمان فلاح «چپون کیجا» ِآهنگ دله عشقی جه گب زنده که شه همزوونها جه دارنه و همهٔ مازندرونیزوون ِشهرها ره نوم ورنه، گرگان جه بَی تا رامسر.[۳]
زندگینومه[دچیین]
ایمان فلاح ۲۳ فروردین سال ۶۶ محمودآباد دله دنیا بموئه. وه ریاضی-فیزیک ِرشته ره بخوندسته و ونه لیسانس کامپیوتر ِسختافزار رشته شِنه که شمال آمل ِدانشگا جه بَییته.
وه شه اولین کار ره سال ۱۳۸۳ آی زندگی ِآهنگ جه شروع هاکرده و اَی سالهای ۱۳۸۵ و ۱۳۸۶ سهتا آهنگ داری میری، التماس و حالم ازت بهم می خوره ره بساته. ونه اولین آلبوم سال ۱۳۸۷ فصل جدایی نوم جه ۹تا آهنگ جا منتشر بیّه.
وه سال ۱۳۹۰ مسابقات next Persian star دله تا فینال بورده و این مرحله په، چنتا آهنگ ره اینترنت دله بییشته که معروف بَیینه. وه موزیکهای جان مار، کیجا شمالی، عاشقی چه زاره و دلبر دله اتا جدید سبک ره بساته که وه ره مازرونی ِپاپمدرن-فلک دونّه.[۴]
بنمایه[دچیین]
- ↑ «بیوگرافی ایمان فلاح». بیگصدا.
- ↑ «ایمان فلاح». مرسی موزیک.
- ↑ «متن آهنگ چپون کیجا ایمان فلاح». تکساهنگ.
- ↑ «بیوگرافی ایمان فلاح». ایمان فلاح رسمی سایت.